(恐怖鬼故事)泰國旅遊擬似鬼上身事件

天使009

記得當初啱啱出黎做野, 當時都唔係搵得好多. 人工大約五千零蚊左右啦, 但係又好想去旅行. 跟住用左年零時間去儲錢同年假, 就計劃左我人生既第一次出國旅行 – 泰國. 因為記得當時去泰國都唔算貴, 團費大約三四千蚊左右, 於是就約埋一個又係好想去旅行既舊同學一齊拿拿淋去報好哂團, 無耐就出發. 我懷著好開心既心情去舊機場, 仲好記得集合當天, 個香港領隊令我印象好深刻, 因為個領隊個樣好鬼後生, 都幾靚仔… 黑黑實實高高大大咁款. 同埋佢個件夏威夷恤, 解開左幾粒鈕, 打出好大個金既四面佛出黎. 有D似出黎行咁既款…. 心諗你係帶團定自己走私….(講笑啫)

之後就坐飛機去到曼谷, (我地既第一天就住係曼谷, 之後有兩天芭緹雅, 最後再返黎曼谷走, 行程大約係咁唔知有無記錯). 一落機第一時間當然先去酒店CHECK-IN放低D行李先啦, 由機場坐車去酒店既途中, 香港既領隊哥哥同當地導遊大家車程中會介紹嚇曼谷既風景, 佢兩個應該之前合作過好多次, 講野相當之有默契, 風趣又生鬼, 聽得我地成班團友鬼死咁開心, 果陣時先發覺領隊哥哥原來係風趣幽默之人. 並非我想像既走私古惑仔(仲覺得自己咁諗好衰添…)

當我地既車抵達酒店, 就入左裡面等候CHECK-IN. 後來我地發覺等左若干時間, 都未見到領隊派鎖匙俾我地, 於是就四周維睇睇領隊哥哥去左邊. 我地望到領隊同導遊係櫃檯, 狀似同櫃檯職員有所理論, 之後見導遊拍拍領隊哥哥膊頭就走開向我地方向行番過黎, 但明顯地見到領隊哥哥個樣有D不悅, 同頭先係車度有講有笑係兩個樣黎. 不過行到黎我地面前, 佢個樣又馬上有番笑容咁話: “好嘞, 大家過黎拎左鎖匙先” 我們各自領取鎖匙後, 領隊哥哥就再話: “各位, 而家你地上房放好D行李, 休息一陣. 一陣我地就去食晚飯. XX:XX落黎大堂呢度集合. OK?” 於是就大家各有各返房. 但我就同我舊學都好有興趣知道, 究竟領隊哥哥同櫃檯有咩理論呢? 我地都好想知…...

瀏覽完整內容，請先 註冊 或 登入會員