伊莉討論區

標題: 究竟咩係Bio-Feel？大家入嚟討論嚇 [打印本頁]

作者: iamraymond620 時間: 2016-12-2 11:08 PM 標題: 究竟咩係Bio-Feel？大家入嚟討論嚇

對於最近MS+直抵日本親身試玩Bio7的報導，我是這樣想的，其實公平一啲講，點會唔似P.T.? 我玩PT時都冇諗過小島如果繼續製作SH會跟足PT個玩法，根本PT就是"Playable Teaser"的意思，小島亦根本冇定下任何遊戲玩法細節，PT只是以營造氣氛為大前題的「可玩預告」，並不是Demo, 小島SH project詳細情形到今天完全沒有任何人可說出端倪，那我們還能用什麼和P.T比較？當然就是在說「氣氛」和「意境」太相似了，甚至和其他恐佈遊戲例如Outlast也有類似的感覺，所以報導說Bio7和PT完全不同完全兩回事顯然易見就是創造「偽命題」，背後目的只是為Capcom維穩和替Bio7護航。

怎樣也好，雖然說文中報導Bio7和PT「完全不同」我本人明顯是有異議的，但我又不會說Bio和PT一樣氣氛和意境的話就會令到我反感，我並沒有這意思，但見到有些版友對樓主的分享不斷攻擊就令我真的有些反感....你可以懷疑佢背後目的，收錢又好冇收錢又好，但樓主的Bio資訊post的確係update，獨家，詳盡和認真，究竟是妒忌心還是為嘈而嘈真係佢地自己先知....

講番咩叫"Bio feel", MS+講咗好多次每個人心目中都有把尺，有乜好嘈？不如大家理性少少，如果「量化」唔到咩係「Bio feel」，不如綜合討論嘗試去「概念化」佢，或者可以減少大家之間的分歧，幫助自己去理解別人怎樣看Bio feel，當訓練一下自己的同理心吧！綜合觀點有以下十點，每一點必定有人支持有人質疑有人持多重準則或者又覺得某一點不是必須又有自己背後的理念和原因，這林林種種觀點與角度正是大家可以「討論」的空間而不是「爭拗」，所以如果能找出每個人也支持的某一點的話，可能該點就是Bio-Feel的「普世價值」。

1. 要有舊角色和舊故事背景的繼承或延伸先叫Bio feel。
2. 一定要有3rd person view先叫Bio feel。
3. 有恐佈感就叫Bio feel。
4. 要有大量探索和解謎成份先叫Bio feel。
5. 要夠殘暴和「核突」先叫Bio feel。
6. 唔可以有癲佬feel, 所有癲佬一定要係喪屍先係Bio feel。
7. 要有孤單及無助，有生存遊戲感先叫Bio feel。
8. 要有大量槍械火箭大炮打敵人先叫有Bio feel。
9. Bio feel唔應該有P.T. 和Outlast feel, 我接受唔到。
10. 對舊作(1-3)有「情意結主導」，但又想不出新作應怎樣做，總之1-3集先叫Bio feel。

我是3，4，7

註：可能有更多觀點，請大家隨便討論和發言。

歡迎光臨伊莉討論區 (http://a401.file-static.com/)