日本人氣女星本田翼、山本美月為合演新片《少女》首度來港宣傳，昨晚著長裙現身銅鑼灣舉行香港首映禮，甫上台即用廣東話自我介紹，而唐紫睿、陳意嵐、唐貝詩都有到場睇戲。
本田翼、山本美月同樣係藝能界女神代表，更深得唔少高登巴打歡心，首映又獲大批粉絲、龍友支持，二人謙稱冇諗過喺香港都有咁多人支持，仲以為自己會冇乜人識。山本美月覺得香港好光，好多霓虹光管，而本田翼就話好想去睇香港夜景，仲想食小籠包同埋想食辣野。二人表示拍攝《少女》前，都有睇原著小說，認為作者湊佳苗作品中好少以青春題材作品，呢次仲刻畫兩個女主角嘅感情戲，問到有現實生活有冇一啲好似戲裏面感情咁好嘅同性朋友？山本美月自爆：「人生中都有女性嘅朋友超出友誼，但比起愛情還相距幾步。」本田翼表示身邊都有好支持自己嘅女性朋友。而拍呢套戲最難忘嘅地方，就係冬天都要落水戲，又要跑步，雖然比較辛苦，但好多挑戰同埋拍攝過程都很好玩。
其實本田翼與山本美月已第四度合作，拍攝期間已有默契，來港前更相約食飯。問到最想同邊個香港藝人合作，山本美月表示妹妹係成龍嘅粉絲，有記者話如果同成龍合作都要打，山本就稱自己都鍾意動作片，如果真係有咁機會，都唔介意挑戰動作場面。本田翼則喺芸芸大中華演員中，對金城武情有獨鍾。
心得：山本美月樣子漂亮，加上言論大膽，有其獨特的吸引力！
[attach]116225361[/attach][attach]116225362[/attach][attach]116225363[/attach][attach]116225364[/attach][attach]116225365[/attach][attach]116225366[/attach][attach]116225367[/attach][attach]116225368[/attach][attach]116225369[/attach][attach]116225370[/attach][attach]116225371[/attach][attach]116225372[/attach]
| 歡迎光臨 伊莉討論區 (http://a401.file-static.com/) | Powered by Discuz! |