曾經我哋好少見到劉德華喺商台宣傳，但係今日呢位民間特首紆尊降貴咁嚟到商台，接受鄭裕玲、少爺占同當奴主持嘅節目《口水多過浪花》訪問，目的就係為咗佢同大哥洪金寶主演嘅電影《特工爺爺》，華仔今次仲唱埋套戲嘅主題曲添！
難得華仔出巡，商台就喺佢哋個官網玩埋直播，片段中見到喺華仔出現既地方，附近都有唔少人拎住相機喺度影相。而嘟姐、少爺占同當奴同做足準備，齊齊著住牛仔褸模仿華仔《天若有情》的經典造型接待華仔。而少爺占同當奴仲預備咗好多好搞笑嘅問題，嘟姐就叫華仔即席揮毫，寫咗「天道酬勤」呢四個字，嘟姐話一定要錶起佢！
講到次次出巡都受到好多fans包圍，華仔話：「我又唔會話好少出街，正常喇，不過我又唔會扮鬼扮馬，最多都係戴口罩，好少戴黑超，我覺得好老土，扮明星。」之後又講下日常生活啲嘢，原來華仔本身冇人幫佢揀衫，基本上都係親力親為，佢話：「我有睇雜誌，有陣時會有人送，但係我會自己上網買，又或者去shop度買。」嘟姐即刻話咁使唔使落閘俾佢揀，華仔話：「唔會，我多數喺間舖頭閂門前一陣去買，貪嗰陣人唔多。」
識得華仔既人都知，佢以前都做過髮型屋，對剪頭髮有一定嘅心得，所以到咗今時今日佢都會自己剪頭髮：「我個髮型係自己剷同自己gel，啱啱今朝先自己剪，我鍾意啲正正經經，唔會古靈精怪。」阿奴仲問佢會唔會搭交通工具？華仔好坦白話：「呢樣真係好少，近年多咗自己揸車，不過我有八達通，用嚟嘟停車場。」
大家都知華仔唔多喜歡講家事，搞到連嘟姐都煞有介事咁，唔敢問佢家庭生活，但係有女萬事足嘅華仔，竟好難得自爆：「現在比較少運動，因為喺屋企嘅跑步機跑步，佢（囡囡）突然爬過來，我又會忍不住抱佢、陪佢玩。」講到拍電影，嘟姐就話拍戲太辛苦，因為很多時都是「講一套做一套，講到太天花龍鳳根本做不到」，但華仔笑言：「咁你就要同我合作啦，唔好同阿晶（王晶）合作啦！同我合作就唔會有呢啲情況出現，因為通常我開拍的電影我都會做埋監製，親自到場監督。」
心得：近年劉德華年紀大了，比較放得下，沒有以前那樣緊張私生活。
[attach]113835272[/attach][attach]113835274[/attach][attach]113835276[/attach][attach]113835277[/attach][attach]113835279[/attach][attach]113835281[/attach][attach]113835282[/attach][attach]113835285[/attach]
| 歡迎光臨 伊莉討論區 (http://a401.file-static.com/) | Powered by Discuz! |